पान १५. जय विरू

प्रिय नैना,

मला जय व्हायला आवडेल गं
पण मला बसंती पण हवी
कदाचित मला लिहावी लागेल
संपूर्ण कहाणीच नवी
ही दिवास्वप्ने किती वेळ खातात
पण हीच तर मनाला
हवासा दिलासा देतात
तुला सांगू मी माझ्याच स्वप्नात
कित्तीदा नायक होतो
पण...
स्वप्नच ते.. .. संपते
मी पुन्हा धरेवर येतो
नेहमी वाटते हे स्वप्न संपू नये
सत्य व्हावे
एकदातरी मला हवे
अगदी तस्सेच घडावे
मी नशिबावर खट्टू आहे
पण निराश नाही
उद्याच्या गर्भात असणार
नक्कीच दिव्य काही

- तुझा, रोहित

(तुष्की, नागपूर)